為慶祝炎明熹（Gigi）終於達成夢想，舉行首個個人演唱會，她的一班忠實粉絲，早前為偶像舉行電車派對，兩架不同主題的應援電車，一架印有Gigi全新作品〈Only For Me〉MV靚相的主題電車，而另一架是根據MV內出現過的場景而重新布置的派對電車。派對當日， Gigi除了在電車上跟路人打招呼，還自爆拍MV的瘀事。由於MV拍攝的地方比較荒蕪，拍攝團隊安排了一架附設洗手間的化妝車給Gigi使用，用來補妝和換衫，當時她正準備下車，因為擔心甩裙，最後一個不留神整個人仆在地上，Gigi也忍不住取笑自己太遴迍。臨近年尾，各大音樂頒獎禮蓄勢待發，Gigi竟然說：「我對獎項冇乜期待，順期自然係一個最好嘅結果，大家唔使太擔心，自己都唔好咁在意，雖然每一個獎項對我嚟講都係一個好好嘅鼓勵，但只要我做好自己，大家繼續支持我，對我嚟講已經係一個好好嘅推動。」