今晚（4日）《中年好聲音》的支嚳儀與顏志恒、魏嘉信與林鉫徫及相識16載的好友周吉佩與曹敏寶為鄭詩君（C君）及謝嘉怡做主持的《咁你都唔識》擔任嘉賓。C君自爆在第一個主持的TVB節目中，曾訪問過吉吉，二人相當有緣。雖然吉吉與敏寶好老友，但兩人一出場即瘋狂鬥嘴，敏寶更向吉吉下戰書：「我長期處於一個下靶位，今次我應該會還佢幾招。」可惜寶寶全程「講多錯多」，遭吉吉連番割蓆：「我見到佢揀呢個答案，我就知道呢個人冇乜文化」，更一度嬲到成個彈起：「乜嘢呀，唔好再講嘢喇你！」而敏寶則一味掛住笑，二人甚有化學作用。魏嘉信答問題時亦令Ｃ君甘拜下風並謂：「你直頭係嚟破解我哋嘅遊戲，知識推理智慧王！佢呢啲智慧唔係假，係『真智慧』（音：曾志偉）。」