盧冠廷（LoLo）近日聯乘新生代音樂人推出新作〈列車上對著坐的兩個人〉，今次新作歌詞及編曲意境充滿電影感，單憑歌名已能提供想像空間。

兩人曾經討論過要寫一首如〈The Sound of Silence〉般厲害的作品，LoLo笑言：「我要逼呢位小朋友超越自己嘅作曲水平。」及後再與監製葉廣權商討後，LoLo便寫了今次的新曲。林家謙表示今次合作頗大壓力，他說：「因為LoLo係一位好好嘅前輩，同埋音樂造詣好犀利。喺創作過程同諗點樣唱都消化咗好耐，我會諗係咪要學LoLo嘅唱法，但同時又要保留自己特色，喺呢一點取得一個平衡，其實一路都懷疑自己夾唔夾隻歌。」

LoLo還傳授了音樂「心法」給家謙，就是要「唔好諗」，他說：「家謙比較後生，都係用意識去諗去創作，如果可以接通天地線就會有可以打入人心嘅作品。同樣地唱歌都一樣，如果太在意去諗每粒音要點唱，設計出嚟嘅音色始於係設計，再甚者就係堆砌，要感動最簡單同時又係最難嘅，就係自然地由心而發。」家謙表示同意，但覺得需要時間去消化領略。