電影《觸電》的主要演員包括林敏驄、伍詠薇、柯煒林（Will）、陳穎欣（Yanny)及羅莽等，前日（10日）出席開鏡拜神儀式後合照。一向寸嘴的林敏驄表示今次戲中帶領電競隊比賽，笑言除了操肌還要操機。他自言打電競絕不下於年輕對手，他說：「battle（對戰）從來未輸過，因為未開始。」他與伍姑娘飾演一對離婚夫妻，他明讚暗踩地讚她：「我個老婆好索、好靚⋯⋯遠睇嗰陣，好遠嗰隻。」片中羅莽師傅亦是電競隊員之一，阿驄一見略為發福的羅莽竟說：「好耐冇見，個樣又唔同咗，我以為劉以達嚟咗。」羅莽自言每朝都會打功夫十幾廿分鐘，好似食飯咁唔練唔得。他又指怕人多認得，所以減少落街做運動，通常每朝在家以「8」字跑步，他笑言：「間屋夠大，識得呼吸運氣一樣都得，一收一放。」